Сургалтын тухай

Сургалтын тухай

Энэхүү сургалтын зорилго нь суралцагчдад статистикийн үндсэн ойлголт, арга техникийг эзэмшүүлэх замаар өгөгдөлд суурилсан шийдвэр гаргах чадварыг хөгжүүлэхэд оршино.

Юу сурах вэ?

Сургалтын агуулга нь олон улсад нэр хүндтэй их, дээд сургуулиудад ашиглагддаг сурах бичгүүдийн нийтлэг агуулгын хүрээнд зохиогдсон болно.

• Статистикийн удиртгал: Статистикийн суурь ойлголтууд болох хувьсагч, түүний тодорхойлолт, өгөгдлийг цуглуулах аргууд
• Дескриптив статистик: Тоон ба чанарын өгөгдлийг хүснэгт, график, тоон үзүүлэлтүүдийн тусламжтайгаар нэгтгэх, дүрслэх, шинжих
• Статистик дүгнэлтийн залгамж: Статистик дүгнэлт хийхэд шаардлагатай суурь ойлголтууд болох магадлалын үндэс, магадлалын тархалт
• Түүвэрлэлтийн тархалт: Түүврийн статистикуудын түүвэрлэлтийн тархалтын талаар судлах бөгөөд энэ нь цаашид статистик дүгнэлтийн үндсэн суурь болох юм.
• Итгэх завсрын үнэлгээ: Статистик дүгнэлтийн нэг хэлбэр болох итгэх завсар, түүнийг хэрхэн үнэлэх
• Статистик таамаглал шалгах: Төрөл бүрийн статистик таамаглал шалгахад ашиглагдах түгээмэл тестүүдийн талаар судлах болно.